svanetinews.ge

ნატახტარი მესტიის მიმართულებით ბილეთის ღირებულება 25 ლარით გაიზარდა. 26 აპრილიდან, 65 ლარის ნაცვლად ბილეთი 90 ლარი ღირს. ქუთაისიდან მესტიის მიმართულებით ფრენა 10 ლარით გაძვირდა და 40-ის ნაცვლად 50 ლარია. ნატახტარის აეროპორტიდან მესტიის მიმართულებით ავიარეისები ყოველდღე სრულდება შაბათის გარდა. ფრენის ხანგრძლივობა 1 საათია. ქუთაისი - მესტია და მესტია - ქუთაისის მიმართულებით ავიარეისები ორშაბათსა და პარასკევს სრულდება. ქუთაისის აეროპორტიდან ფრენა 12:00 საათზეა, ფრენის ხანგრძლივობა 30 წუთია. 2017 წლის 11 თვეში, მესტიის აეროპორტი 6 881 მგზავრს მოემსახურა, რაც 2 899 მგზავრით, 72.80%-ით მეტია, ვიდრე გასული წლის პირველ 11 თვეს გადაყვანილი მგზავრების რაოდენობა (3 982).

ნატახტარი მესტიის მიმართულებით ბილეთის ფასი 90 ლარი გახდა

დღის სხვა სიახლეები